Kuarta-Feira Ahi-Kadesan ninia signifika no selebrasaun

Ohin loron, Kuarta-feira (22/3/2023), ita ema katóliku sira iha mundu tomak komemora Kuarta-feira Cinza, tuir mai hau sei bolu deit Kuarta-feira Ahi-kadesan, ne’ebé marka períodu penitensia loron 40 molok Paskua.

Entaun, tanbasá mak ida-ne’e tenke hahú iha loron Kuarta-feira?

Iha Igreja Katolika nia tempu, sira halo jejún ne’e ba loron neen semana ida (domingu la sura, tanba loron domingu sira-ne’e konsidera hanesan komemorasaun ba Jesus nia moris-hias), tan ne’e períodu jejún ne’e sei dura semana neen no aumenta loron haat tan, no iha loron 40 nia laran tomak.

Nunee, nia kontinua katak loron dahuluk husi loron halo jejun mak iha loron Kuarta-feira. Tanba, Paskua akontese iha loron Domingu, menus loron 36 (6 semana), tuirmai menus loron 4 tan, konta fali ba kotuk, depois monu iha Kuarta-feira.Tan ne’e mak desizaun dahuluk ba iha loron kuarta-feira.

Entaun, tanbasá mak ida-ne’e hanaran Kuarta-Feira Ahi-Kadesan?

Klaru katak ahi-kadesan mak sinál arrepende an nian, iha Biblia hatete katak Ahi-Kadesan mak sinál arrepende an nian.

Tuirmai ne’e mak esplikasaun badak ida kona-ba signifika Kuarta-Feira ahi-kadesan, ne’ebé ita ema Katoliku sira selebra iha mundu tomak.

1. Tanbasa loron-kuarta?

Igreja Katolika observa festa ne’e durante loron 6 semana ida. Domingu sira la sura, tanba domingu sira konsidera hanesan komemorasaun ba Jesus nia moris-hias.

Tan ne’e mak determinasaun loron dahuluk ba períodu molok paskua iha loron-Kuarta-feira ne’e tanba kalkulasaun loron 40 molok Domingu Paskua, la sura loron-domingu sira.

2. Tanbasa mak kuarta Ahi-Kadesan?

Ahi-kadesan mak sinál arrepende an nian. Eskritura sira hatete katak ahi-kadesan mak sinál arrepende an nian. Liu-liu, fó-hanoin mai ita nanis ona katak ita ema kria husi rai-rahun no loron ida nia sei mate no fila fali ba rai-rahun.

Tan nee, kuandu ita simu Ahi-Kadesan iha igreja, ita sei rona husi Amlulik nia laifuan ho dehan.

” Arrepende an, no fiar Evanjellu” ka ” Ita-Boot mak rai-rahun no sei fila fali ba rai-rahun”

3. Abstinence ho jejún iha kuarta Ahi-Kadesan

Keta han na’an ka hahán seluk tan, tuir buat ne’ebé Konferensia Bispu sira deside ona iha tempu neba, tenke halo iha loron-sesta kada tinan tomak, eseptu katak loron-sesta ne’e inklui iha kontajen feriadu sira.

Iha tempu hanesan, tenke halo mós abstensaun no jejún iha loron Kuarta-Feira Ahi-Kadesan no Sesta Diak/murak hodi komemora Jesus Kristu nia terus to mate.

Abstensaun ne’e halo husi ema sira ne’ebé to’o ona tinan 14, maibé halo jejún kesi ema-boot hotu to’o tinan 60. Ita ema katóliku ida-idak iha obrigasaun atu halo jejún iha Kuarta-Feira Ahi-Kadesan no mós Sesta Diak/murak.

4. Liafuan ne’ebé hatudu katak jejún no abstensaun katak sá ?

Halo jejún iha ema kristaun signifika han de’it hahán kompletu ida iha loron ida no bele ajusta ba ema ida-idak hanesan hahán kompletu ka la kompletu.

Kona-ba abstensaun ne’ebé mós obrigatóriu ba ita katólika sira iha loron Kuarta-Feira Ahi-Kadesan no kada Sesta to’o Sesta-Feira-Santa, ne’e mak dala 7 durante loron molok Paskua.

Ita ema katóliku hotu-hotu ne’ebé iha idade tinan 14 no liu mak tenke abstaun. Abstensaun ne’e signifika abstensaun husi na’an, abstensaun husi masin, abstensaun husi sigarru, abstensaun husi masin-midar, abstensaun husi atividade halimar hanesan televizaun, filme, no seluk-seluk tan.

Tanba halo jejún no abstensaun ne’ebé naruk, jejún no abstensaun ne’e tenke hala’o nu’udar forma hodi arrepende an ba ema hotu-hotu, inklui ema ida-idak, família ka grupu.

5. Selebrasaun iha Kuarta-Feira Ahi-Kadesan

Iha Igreja Katolika, Kuarta-feira Ahi-Kadesan mak loron dahuluk hahú husi períodu molok Paskua, ba períodu preparasaun atu simu Paskua, loron Jesus Kristu nia moris-hias iha Domingu Paskua.

Tuir loloos, Kuarta-feira Ahi-Kadesan sei selebra loron 46 antes Paskua. Ida-nee tanba loron Paskua ne’e rasik sei monu iha loron ne’ebé la hanesan kada tinan no mós iha loron Kuarta-Feira Ahi-Kadesan. Tuir mai selebrasaun balu ne’ebé dala barak hala’o iha Kuarta-Feira Ahi-Kadesan hanesan:

– Iha misa Kuarta-Feira Ahi-Kadesan nee, ema sei hetan Ahi-Kadesan tanba sira sunu ai-palmeira ne’ebé hetan ona bénsaun no fó iha Domingu Ramos tinan kotuk. Igreja Katolika sira iha mundu tomak mós husu ba sarani hotu atu hodi fila ai tahan palmeira/ramos tahan ne’ebé maran husi selebrasaun Paskua tinan kotuk atu lori fali ba igreja hodi sunu sai Ahi-Kadesan.

Tuirmai, Amlulik sei haraik bénsaun ba Ahi-Kadesan sira-ne’e no hisik bee Santu, no sarani sira sei la’o ba oin hodi simu sinál husi Ahi-Kadesan iha reen-toos. Amlulik sei fó sinál krús hodi dehan: “Hanoin hetan katak ita ema husi ahi-matan sei fila fali ba ahi-matan, husi rai-rahun sei fila fali ba rai-rahun.”

– Kuarta-feira ne’e mak loron espesífiku ba ita ema sala-na’in sira ne’ebé hakarak fila fali ba Igreja no arrepende sira-nia sala hotu ho forma arrepende an. Ahi-kadesan ne’e sei fó-hanoin fali ba ita ema katóliku sira kona-ba sala hotu ne’ebé ita halo ona no ita sei husik Ahi-Kadesan ne’e iha ita nia rentos hodi hatudu simbolu haraik-an. Obrigada.

Fonte: www.katolisitas.org

Foto: radiomauloko.org (iha Igreja Maubessi)